O Soneira noquea o Ponteceso

Na Terceira Galega victoria do Bergantiños fronte o Órdenes, e pese a que os locais non fixeron excesivos méritos marcaron un gol máis, asinado por Josito e suman tres valiosos puntos. E o Santa Comba segue unha xornada máis invicto. Nesta ocasión un empate a domicilio  no Salvador Otero fronte o Céltiga. Pibe e Julián anotaban polos laranxas. E nesta categoría, o Cerceda superaba cun gol de Felipe o Pontevedra B, no Roxo do Piñeiro, e no García Calvo o Negreira caía derrotado pola mínima ante o Vilalonga

O Soneira superou con claridade o Ponteceso de Mato no derbi comarcal da Primeira Autonómica. Os de Manolito dominaron e superaron a un rival que no segundo tempo non ofreceu unha boa imaxe no municipal.  Chegaba o primeiro gol no minuto 20 tras unha execución magistral dunha falta por parte de Vía Rápida que chegou a tocar Fran de Urroa.  No segundo tempo chegaría o gol dun impresionante Vituco e o de Matías. Na mesma categoría o Dumbría empataba sen goles no Conco fronte o San Tirso. E con goles de Berto e Leoncio o Unión Clube Cee gañaba a domicilio o colista Esclavitude, que aínda non sumou o seu primeiro punto na tempada.