Os carballeses de Xiriavenceron a domicilio o líder da categoría.
B ATOCHA 54 ? CARBALLO BASKET XIRIA 62
Marcador: 14-22, 34-39, 45-41, 54-62
O Carballo Básket deu a machada da xornada e derrotou ao imparable CB
Atocha, o líder da categoría que chegaba á cita logo de gañar os
anteriores 13 partidos de xeito consecutivo. Nun último cuarto
perfecto, cunha actuación sobresaínte de Abraham Parcero en ataque e
de José Tato en tarefas defensivas, os de Basilio Pampín lograron unha
vitoria que lles permite manterse na terceira posición e seguir
dependendo de sí mesmos para meterse no play off de ascenso.
De saída o Carballo Básket xogou dez minutos iniciais impecables
controlando o ritmo do partido e mandando dende o inicio. Con Marcos
Molk (11 puntos) e Héctor Añón (6) facendo estragos no aro contrario o
equipo ?verde? conseguía mandar con vantaxes que chegaron ata os 10
puntos. No segundo cuarto houbo festival de triplas. Por parte
carballesa os irmáns Cristóbal (Rubén e Fran) castigaban ao Atocha. No
equipo coruñés era Chavi Suárez, con 3 triplas e 14 puntos nese
período o que daba cumprida resposta. O Carballo Básket logrou marchar
ao descanso por diante no marcador pero cunha marxe pequena (34-39).
O curtocircuito en ataque chegou no terceiro cuarto. Neses dez minutos
o Xiria só foi quen de anotar 2 puntos. O CB Atocha tampouco estaba
moito máis atinado pero nun intre de inspiración de David Pernas (10
dos 11 puntos do seu equipo con 2 triplas incluídas) permitiulle ao
líder da liga poñerse por primeira vez por diante. Sen embargo os
rapaces de Basilio Pampín fixeron borrón e conta nova. Esqueceron a
desfeita do terceiro período e volveron a meterse no partido. No CB
Atocha Pernas e Chavi comezaron a pagar o esforzo (ata o 3º cuarto
anotaran 39 dos 45 puntos do seu equipo) e iso aproveitouno o Xiria
para volver a coller a dianteira. Cun Tato descomunal en defensa (5
tapóns) e grazas ao acerto dende a liña de 3 (2 de Abraham, Tato e
Rubén Cristóbal) o Carballo Básket foi medrando no partido ata
colleitar un triunfo chave.
CB ATOCHA 54 (14+20+11+9) Chavi Suárez 21, Roberto, Gonzalo Suárez 6,
Iago López 2, David Pernas 23 -cinco inicial- Carlos, Dani Cabanas,
Iván Suárez, Xurxo, Puente 2
CARBALLO BASKET 62 (22+17+2+21) Fran Cristóbal 3, Héctor 10, Abraham
12, Marcos Molk 14, Tato 5 -cinco inicial- Rubén Cristóbal 14, Adrián
Pérez 2, Luis Gómez 2, Fabián, Alessandro, Juan Fernández, Taibo
Pavillón Municipal do Ventorrillo
Crónica remitida por Carballo Básket Xiria
