Os xulgados abren unha causa contra o Ex Director Xeral de Calidade Ambiental da Xunta de Galicia.
Imaxe de Ferroatlántica O Xulgado de instrucción número 3 de Santiago aceptou un recurso polo que se abre unha causa contra o Director Xeral de Calidade Ambiental da Xunta durante o bipartito, Joaquín Buergo del Río, por presunta prevaricación, nunha demanda que foi interposta polos veciños de A Brea, en Carballo. A denuncia fora formulada por un depósito nunha vella canteira con residuos procedentes da Ferroatlántica en Cee. A demanda fora arquivada en función duns informes de Buergo que sinalaba que os residuos non causaban danos o medio ambiente nin a saúde das persoas. Unha das partes implicadas na denuncia a asociación Verdegaia fai unha valoración positiva do auto e entende que “ha determinar a imputación penal dos actores e as súas responsabilidades, mais tamén a limpeza e a restitución do medio natural para recuperamos en Carballo unha contorna saudábel para a vida”. XESTUR INFORMA DUN ACORDO NO POLÍGONO DE BÉRTOA A delegación territorial da Xunta informou que se chegou a un acordo cos liberados da expropiación do polígono de Bértoa, en Carballo, que garantiza a continuidade de trece proxectos industriales previstos na zona. Segundo explican desde a delegación sete dos dazaseis liberados decidiron pagar en efectivo as cotas de urbanización do parque empresarial e outros cinco optaron por non cobrar o importe da expropiación das súas fincas, facendo entrega como anticipio o pago das parcelas que comprarán no Polígono. Nesta semana agárdase que se una un novo liberado.Outros dous optaron pola expropiación e o cobro en efectivo, mentras que un non se presentou a reunión. O delegado territorial da Xunta na Coruña, Diego Calvo, amosou a súa satisfacción porque, finalmente, a meirande parte dos liberados formarán parte do proxecto empresarial.
